काठमाडौँ । राष्ट्रिय स्वतन्त्र पार्टी (रास्वपा) ले चुनावी अभियानका लागि ३२१ कर्मचारी माग गरेको छ। शुक्रबार रास्वपाले विभिन्न पदमा ३२१ जना कर्मचारीको आवेदन मगाएको हो।
रास्वपाले ‘आरएसपी डिजिटल क्याम्पेन रूम मिसन इलेक्सन’ भनेर आवेदन खुलाएको हो। यसरी खुलाइएको जागिर ३० देखि ६० दिनका लागि हुने भनिएको छ। रास्वपाले चुनावी अभियानका लागि रणनीतिक विश्लेषक, अनुसन्धानकर्तादेखि, प्रचारप्रसारका कन्टेन्ट क्रिएटरहरू समेत माग गरेको छ।
