काठमाडौँ । उर्जामन्त्री कुलमान घिसिङले समानुपातिक उम्मेदवारको सूचीसँग सम्बन्धित केही समाचारप्रति आपत्ति जनाएका छन्। उनले सामाजिक सञ्जालमार्फत स्पष्ट पारेका छन् कि उक्त सूची कुनै व्यक्ति विशेषको चाहना वा दबाबमा तयार भएको होइन।
घिसिङले भनेका छन्, “समाचार तथा चर्चामा ‘भान्जा’ भनेर उल्लेख गरिएका व्यक्ति मेरो भान्जा होइनन्, साथै उनी उज्यालो नेपाल पार्टीको तर्फबाट नभई अर्कै टीमबाट सिफारिस भएका व्यक्ति हुन्। त्यसैगरी, सूचीमा रहेका र मेरो ‘ससुरा’ भनेर प्रचार गरिएका व्यक्ति पनि मेरो ससुरा होइनन्।” उनी थप्छन् कि राजनीतिमा असहमति हुन सक्छ, तर झूट र भ्रम फैलाएर कसैको बदनाम गर्ने प्रयास आपत्तिजनक छ। उनले बन्द सूचीमा देखिएका प्राविधिक त्रुटिहरू निर्वाचन आयोगले तोकेको समयावधिभित्र सच्याइने प्रतिबद्धता व्यक्त पनि गरेका छन्।
घिसिङले भनिसकेका छन्, “पार्टीको विधि, मापदण्ड र सामूहिक निर्णय प्रक्रियाबाट तयार गरिएको हो। म सार्वजनिक जीवनमा प्रवेश गरेदेखि नै नातावाद, कृपावाद र स्वार्थको राजनीतिविरुद्ध निरन्तर उभिइरहेको छु। त्यही इमानदार यात्रालाई कमजोर पार्ने उद्देश्यले फैलाइने यस्ता नियोजित हल्ला र आरोप दुःखद छन्। म आज पनि पारदर्शिता, इमानदारी र जनताप्रतिको जवाफदेहितामा दृढ छु। त्यसैले यस्ता भ्रामक समाचार र टीकाटिप्पणीको भ्रममा नपर्न सबैमा अनुरोध गर्दछु।”
