काठमाडौँ – प्रधानमन्त्री एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले नेपाल प्रहरी क्लबलाई जितको लागि १ सय २६ रनको सामान्य लक्ष्य दिएको छ।
टस जितेर पहिले ब्याटिङ थालेको आर्मी ३३ दशमलव ३ ओभरमा सबै विकेट गुमाउँदै १ सय २५ रनमा समेटियो। आर्मीका लागि सोमपाल कामीले सर्वाधिक ३५ रन बनाए। ४० बल प्रहार गरेका उनले २ छक्का र ३ चौकाको मद्दतमा ३५ रन बनाएका हुन्।
त्यस्तै राजु रिजालले ३२, भीम सार्कीले २० तथा रोहित पौडेलले १८ रन जोड्नुबाहेक अन्य खेलाडीले दोहोरो अङ्क जोड्न सकेनन्। आर्मीलाई सहजै समेट्ने क्रममा पुलिसका ललित राजवंशी र पवन शर्राफले समान ४/४ विकेट लिए भने सागर ढकालले १ विकेट हात पारे
राष्ट्रिय खेलकुद परिषद् (राखेप)को आयोजना तथा नेपालय इन्टरनेसनल प्रालिको सहकार्यमा भएको उक्त प्रतियोगिताको विजेता टोलीले रु. २० लाख तथा उपविजेताले रु. १० लाख प्राप्त गर्नेछ। (रासस)
