काठमाडौँ । नेपाली कम्युनिष्ट पार्टी (नेकपा)ले प्रधानमन्त्रीले संविधान तथा प्रतिनिधिसभा नियमावलीको उल्लङ्घन गरेको आरोप लगाएको छ। आइतबार बसेको प्रतिनिधिसभा बैठकमा बोल्दै नेकपाका सांसद युवराज दुलालले प्रधानमन्त्री संसदप्रति जवाफदेही हुनुपर्ने संवैधानिक व्यवस्था कार्यान्वयन नभएको भन्दै आपत्ति जनाएका हुन्।
उनले प्रतिनिधिसभा नियमावली, २०८९ को दफा ५६१ अनुसार सांसदहरूले प्रधानमन्त्रीलाई प्रत्यक्ष प्रश्न सोध्ने व्यवस्था रहेको उल्लेख गर्दै उक्त प्रावधान व्यवहारमा लागू नभएको बताए। दुलालका अनुसार सांसदहरूलाई १५–१५ जनाको समूहमा विभाजन गरी तीन दिनअघि नै लिखित प्रश्न सभामुखमार्फत बुझाउने र प्रधानमन्त्री उपस्थित हुँदा एक घण्टा प्रश्न–उत्तर गर्ने व्यवस्था भए पनि त्यसको पालना नभएको हो। उनले संसदमा बोल्दै भने, संविधान र नियमावली मिचिएको दुखद अवस्था पुनः दोहोरिएको छ। यसैबीच, लामो समयदेखि प्रधानमन्त्रीको जवाफ माग गर्दै सांसदहरूले संसद अवरोध गर्दै आएका छन्।
