एजेन्सी– बलिउड फ्यानहरूको लागि मार्च महिना रमाइलो हुने भएको छ। मार्च महिनामा बलिउडको केही बहुप्रतिक्षित एक्शन, रोमान्टिक तथा ज्ञानवर्द्धक चलचित्रहरू रिलिज हुँदैछन्। फेब्रुअरीमा लव आज कल २, मलांग, भूत द होन्टेड शिप र शुभ मंगल ज्यादा सावधान जस्ता उत्कृष्ट फिल्महरूको रिलिज भएकाे थियाे।
मार्च महिना बलिउडका सुपस्टारहरूकाे फिल्महरूकाे भरिपूर्ण हुनेछ। मार्च २०२० मा रिलीज हुने बलिउड फिल्महरूबारे यहाँ चर्चा गर्याैँ।
‘बागी ३’ (रिलीज मिति – मार्च ६)
‘बागी ३’ मा स्टार टाइगर र अभिनेत्री श्रद्धा मुख्य भूमिकामा छन् भने फिल्ममा रितेश देशमुखले टाइगरको भाईको भूमिका र ज्याकी श्राफले टाइगरको बुबाको भूमिका खेलेका छन्। एक्शन थ्रिलर फ्रेंचाइजी ‘बाघी’ को ‘बाघी ३’ तेस्रो भाग हो। अहमद खानले निर्देशन गरेको यो फिल्म आउँदो मार्च ६ मा रिलिज हुँदैछ।
‘कामयाब’ (रिलीज मिति – मार्च ६)
हार्दिक मेहताको निर्देशनमा रहेको यो फिल्ममा सञ्जय मिश्रा, दीपक डोबरियाललगायत सारिका सिंह र ईशा तलवार मुख्य भूमिकामा देखिनेछन्। निर्देशक मेहताले शर्ट फिल्म ‘अमदावाद मा फेमस’ को लागि राष्ट्रीय पुरस्कार पनि जितेका थिए। रेड चिलीज इन्टरटेनमेण्टले निर्माण गरेको यो फिल्म आउँदो मार्च ६ मा रिलिज रिलिज हुँदैछ।
‘अंग्रेजी मिडियम’ (रिलीज मिति – मार्च १३)
‘अंग्रेजी मिडियम’ फिल्ममा स्टार इरफान खान, दीपक डोबरियाल, करीना कपूर खान र राधिका मदन मुख्य भूमिकामा छन्। २०१७ मा आएको ‘हिन्दी मिडियम’ फिल्मपछि ‘अंग्रेजी मिडियम’ दर्शकलाई भाषाको ज्ञान दिने उदेश्यले बनाइएको हो।
सामान्य परिवारको बुबाले आफ्नो छोरीको विदेश पढ्न जाने सपना पुरा गर्नको लागि गरेको संघर्षलाई फिल्ममा देखाइएको छ। होमी अदजानियाले निर्देशन गरेको यो फिल्म आउँदो मार्च १३ मा रिलिज हुँदैछ।
‘सूर्यवंशी’ ( रिलीज मिति – मार्च २४)
‘सूर्यवंशी’ मा स्टार अक्षय कुमार र कट्रिना कैफ मुख्य भूमिकामा छन् भने गुल्सन ग्रोभर, अभिमन्यु सिंह, निहारिका रायजादा, जैकी श्राफ, सिकंदर खेर, निकिटिन धीर र विवान भाटेनाले सहयोगी भूमिका खेलेका छन्। प्रहरी युनिभर्सको कथामा रोहित सेट्टीले निर्देशन गरेको यो फिल्म आउँदो मार्च २४ मा रिलिज हुँदैछ। ‘सूर्यवंशी’ पहिलो फिल्म हाे जून मुम्बई थिएटरहरुमा २४ घण्टा र ७ दिन खुल्ला हुनेछ।
