काठमाडौँ । राष्ट्रिय स्वतन्त्र पार्टीले केन्द्रीय समिति बैठक बोलाएको छ । निर्वाचन आयोगले १० वैशाखमा चितवन २ मा उपनिर्वाचन गर्ने घोषणा गरेलगत्तै रास्वपाले बैठक बोलाएको हो ।
बैठक आज दिउँसो ३ बजे पार्टी केन्द्रीय कार्यालय बसुन्धारामा बस्नेछ । निर्वाचन आयोगले आइतबार चितवन २ मा आगामी वैशाख १० गते उपनिर्वाचन गर्ने निर्णय गरेको थियो ।
नागरिकता प्रकरणको मुद्दा हारेपछि ४ मंसिरमा भएको चुनावमा चितवन २ बाट विजयी रास्वपाका सभापति रवि लामिछानेको सांसद पद गुमेको थियो ।
उक्त उपनिर्वाचनमा लामिछाने पुनः उम्मेदवार हुने तयारीमा छन्। नागरिकता पुनस्प्राप्ति गरिसकेका कारण उनले उम्मेदवारी दिन पाउने बताइएको छ ।