काठमाडौँ । आर्थिक घोटलाको आशंकामा दुग्ध विकास संस्थान (डीडीसी)को लैनचौरस्थित केन्द्रीय कार्यालयमा नेपाल प्रहरीको केन्द्रीय अनुसन्धान ब्यूरो (सीआईबी)ले छापा मारेको छ।
बुधबार दिउँसो संस्थान पुगेको सीआईबीको टोलीले विशेषगरी संस्थानको दूध संकलन, प्रशोधन र उत्पादनसँग सम्बन्धित पुराना प्रगति विवरणहरू नियन्त्रणमा लिएको हो ।
संस्थानका एक कर्मचारीका अनुसार सीआईबीको टोलीले संस्थानको समग्र दूध संकलन र उत्पादनको अवस्थाबारे चासो राख्दै ती कागजातहरू मागेको थियो ।
