एजेन्सी– वर्ल्डलिंक कम्युनिकेशन लिमिटेड लगातार दोस्रो पटक सुचना प्रविधि सेवातर्फ सबैभन्दा बढी आयकर तिर्ने करदात कम्पनीको रुपमा दर्ज भएको छ। वर्ल्डलिंकले अघिल्लो वर्ष पनि सुचना प्रविधि सेवातर्फसबैभन्दा कर तिर्ने कम्पनीको सूचीमा थियो।
आन्तरिक राजस्व विभागले आठौं राष्ट्रिय कर दिवसको अवसरमा आर्थिक वर्ष २०७५ र ७६ मा पनि सुचना प्रविधि सेवातर्फ सबैभन्दा बढी कर तिर्ने कम्पनीको रुपमा वर्ल्डलिंकलाई सम्मानित गरेको छ। आइतबार राजधानीमा आयोजित कार्यक्रममा वर्ल्डलिंकलाई उक्त सम्मान प्राप्त भएको हो।
सबैभन्दा बढी कर तिर्ने करदाता कम्पनीमा सुर्य नेपाल प्राली रहेको छ। भने, व्यक्तिगत आयकर तिर्नेमा सिद्दार्थ समशेर जबरा रहेका छन्। निर्यातकर्ता मध्ये बढी आयकर तिर्ने कम्पनीमा डाबर नेपाल, उद्योग मदिरा र चुरोट बाहेक धेरै आयकर तिर्नेमा जगदम्बा स्टिल्स प्राली रहेको छ। त्यस्तै कृषि एवम पशुपक्षीतर्फ अन्नपुर्ण एग्रो, सहकारीमा छिमेकी लघुबित्त सहकारी संस्था, बैंक बित्त संस्थातर्फ राष्ट्रीय बाणिज्य बैंकले सबैभन्दा बढी कर बुझाएका छन्।
बिमा व्यवसायमध्ये नेपाल लाइफ इन्सुरेन्स, स्वास्थ्य तथा शिक्षामा मणिपाल मेडिकल कलेज, व्यापार व्यवसायमा अग्नि इन्कर्पोरेटेड, पर्यटनमा तारागाउ रिजेन्सी, मध्यस्तरियमा कामना सेवा बिकास बैंक रहेको छ। आन्तरिक राजस्व कार्यक्षेत्र भित्र रहि सबैभन्दा बढी कर बुझाउनेमा भिएस मौरिसस कम्पनी रहेको छ।