काठमाडौं– धुम्रपान सेवनका कारण धेरै नेपालीले ज्यान गुमाउने गरेको विश्व स्वास्थ्य संगठनको तथ्यांक छ। विश्व स्वास्थ्य संगठनका अनुसार धुम्रपानको सेवनले मानिसहरुमा २५ प्रकारका रोगहरु लाग्ने गर्छ। विश्वमा प्रतिवर्ष ५० लाखको मृत्यु धुम्रपानका सेवनले हुने गरेको तथ्यांक छ।
विश्वमा प्रतिमिनेट १० जना मानिसको मृत्यु धुम्रपानका कारण हुने गर्छ। एक अध्ययनका अनुसार एक खिल्ली चुरोट सेवन गर्ने व्यक्तिको आयु ७ मिनेट कम हुन्छ।
चुरोट, बिँडी, सिगार, हुक्का, कक्कड र सुर्ती सेवनलाई धुम्रपान भनिन्छ। सुर्तीमा स्वास्थ्यलाई असर पार्ने ४ हजार किसिमका रासायनिक पदार्थहरु हुन्छन्।
ती मध्ये ४५ किसिमका रसायनलहरुले मानिसमा क्यान्सरको जोखिम बढाउँछ। सुर्तीमा पाइने निकोटिनजन्य रासायनिक पदार्थले मानिसको विभिन्न अंगहरुमा असर र्पुयाउछ।
धुम्रपान सेवनले लाग्ने प्रमुख रोग-
– मानसिक स्वास्थ्यमा असर पर्ने,
– फोक्सो, पेट, फियो, मुत्रनली र पाठेघरको क्यान्सर,
–काम गर्ने क्षमतामा कमी हुने,
–दम, खोकी, ब्रोङ्काइटिस हुने,
–मुटुको रोग हुने,
–मस्तिष्कमा रक्तश्राव हुने,
–गर्भको बच्चा कमजोर, रोगी र अपाङ्गता हुने,
सुर्तीजन्य पदार्थमा भएको निकोटिन र धुम्रपानबाट उत्पन्न हुने कार्बनमनोअक्साइडले मानिसको रगत र मस्तिष्कमा असर र्पुयाउँछ । जसकारण धुम्रपान गर्ने मासिनमा यसको लत बस्छ। लत बसेपछि धुम्रपान छाड्न गाह्रो हुन्छ।
धुम्रपानको लतबाट कसरी बच्नेः
– धुम्रपानले गर्ने असरबारे सोच्ने,
– साथीभाइको दबाबमा नपर्ने,
– धुम्रपान छुटाउन स्वास्थ्यकर्मीको सल्लाह लिने।
