काठमाडौँ । राप्रपा र राप्रपा नेपालबिच गत पुसमा भएको एकताले ७ महिनासम्म वैधता पाउन नसकेको पाइएको छ । राजेन्द्र लिङ्देन नेतृत्वको राप्रपा र कमल थापा नेतृत्वको राप्रपा नेपालबिच गत पुस १६ गते एकता भएको थियो ।
दुवै पार्टीले आवश्यक कागजात नै दिन नसकेपछि हालसम्म आयोगले वैधानिकता नै नदिएको हो । उसो त राप्रपाले असार ३ गते मात्रै दल एकीकरणसम्बन्धी निवेदन दिएको थियो ।
आयोगले अहिले आएर आवश्यक कागजात दिन भन्दै राप्रपा नेपाल र राप्रपा नेपाललाई पत्राचार गरेको छ । आयोगले साउन १ गते पठाएको पत्रमा निवेदनसँग पेस गरिएका कागजात अध्ययन तथा जाँचबुझ गर्दा राजनीतिक दल सम्बन्धी ऐन, २०७३ को दफा १० र राजनीतिक दल सम्बन्धी नियमावली, २०७४ को नियम ८ बमोजिम आवश्यक कागजात तथा विवरण अपुग देखिएकाले थप विवरण उपलब्ध गराउन निर्देशन दिएको हो।
