काठमाडौं। वीरगञ्ज महानगरपालिकाले चालु आर्थिक वर्षको पहिलो चार महिनामा २१ करोड ३ लाख ९६ हजार ४०८ रुपैयाँ राजस्व संकलन गरेको छ। महानगरका अनुसार सो अवधिमा सम्पत्ति करबाट मात्र ७ करोड ५६ लाख रुपैयाँ उठाइएको छ। महानगर प्रमुख राजेशमान सिंहका अनुसार राजस्व अभिवृद्धिका लागि जनचेतनामूलक पहललाई तीव्र पारिएको छ।
राजस्व बढाउन निरन्तर जनचेतना कार्यक्रम गर्दै आएका छौँ। तर स्थानीय तहलाई कर तिर्नुपर्छ भन्ने चेतनाको अभावका कारण अझै अपेक्षित रूपमा राजस्व संकलन हुन सकेको छैन, सिंहले बताए। चार महिनाको अवधिमा भूमिगत–मालपोत करबाट ३७ लाख ६७ हजार ९८० रुपैयाँ संकलन भएको महानगरले जनाएको छ। त्यस्तै घरवहाल करबाट १ करोड ६० लाख ८६ हजार रुपैयाँ र पूर्वाधार सेवा उपयोग करबाट २ करोड रुपैयाँ राजस्व उठाइएको जानकारी दिएको छ। अखेटोपहार करतर्फ ५ करोड १० लाख रुपैयाँ संकलन भएको छ भने अन्य सेवा शुल्कबाट १ करोड ४९ लाख ८३ हजार रुपैयाँ महानगरले आर्जन गरेको छ। हाल महानगरले कुल २० शीर्षकमा कर उठाउँदै आएको छ।
